ଏନସିପି ମୁଖ୍ୟ ଶରଦ ପାୱାର ବୁଧବାର କହିଛନ୍ତି ଯେ ଭାରତ ଯୋଡୋ ଯାତ୍ରା ପରେ ଲୋକେ ରାହୁଲ ଗାନ୍ଧୀଙ୍କୁ ଗମ୍ଭୀରତାର ସହ ନେଉଛନ୍ତି । ସେ ଦିନେ ରାଷ୍ଟ୍ରର ନେତୃତ୍ୱ ନେବେ।
ଇଣ୍ଡିଆ ଟୁଡେ କନକ୍ଲେଭରେ ପାୱାର କହିଛନ୍ତି, ଭାରତ ଯୋଡୋ ଯାତ୍ରା ପରେ ରାହୁଲ ଗାନ୍ଧିଙ୍କୁ ଗମ୍ଭୀରତାର ସହ ନିଆଯାଉଛି ଏବଂ ସେ ଦିନେ ଦେଶକୁ ନେତୃତ୍ୱ ପ୍ରଦାନ କରିବେ।
ଉତ୍ତରପ୍ରଦେଶରେ କଂଗ୍ରେସର ପୁନଃନିର୍ମାଣ ହେବ ବୋଲି ସେ ଆତ୍ମବିଶ୍ୱାସ ବ୍ୟକ୍ତ କରିଛନ୍ତି।
ପୂର୍ବତନ କେନ୍ଦ୍ର ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଆସନ୍ତା ବର୍ଷର ବିଧାନସଭା ନିର୍ବାଚନ ପରେ ମହା ବିକାଶ ଅଘାଡି(MVA) ନିଶ୍ଚିତ ଭାବରେ ମହାରାଷ୍ଟ୍ରରେ ସରକାର ଗଠନ କରିବ।
ଶିବସେନା, କଂଗ୍ରେସ ଏବଂ ଏନସିପି ମିଳନରେ ଗଠିତ ଏମଭିଏର ମେରୁଦଣ୍ଡ ପାଳଟିଥିବା ପାୱାର କହିଛନ୍ତି ଯେ ସେମାନେ ରାଜ୍ୟରେ ନିର୍ବାଚନମଣ୍ଡଳୀ ଅନୁଯାୟୀ ବିଶ୍ଳେଷଣ କରିଛନ୍ତି।
ଆମ୍ ଆଦମୀ ପାର୍ଟି (ଏଏପି) ରେ ଥିବା ରାଜ୍ୟସଭା ସାଂସଦ ସଞ୍ଜୟ ସିଂହଙ୍କୁ ଦିଲ୍ଲୀର ଏକ୍ସାଇଜ୍ ନୀତି ମାମଲାରେ ସମ୍ପୃକ୍ତ ଥିବା ନେଇ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଗିରଫ କରିଅଛି। ପାୱାର ମତ ପ୍ରକାଶ କହିଛନ୍ତି ଯେ କେନ୍ଦ୍ରୀୟ ଅନୁସନ୍ଧାନକାରୀ ସଂସ୍ଥାର ଏହି ନିଷ୍ପତ୍ତି ଇଣ୍ଡିଆ ବ୍ଲକକୁ ଆହୁରି ମଜବୁତ କରିବ।
ଏନସିପି ବିଦ୍ରୋହୀଙ୍କ ବିଷୟରେ ଉଲ୍ଲେଖ କରି ସେ କହିଛନ୍ତି ଯେ ଯେଉଁମାନେ ବିଜେପି ସହ ଯାଇଛନ୍ତି ସେମାନଙ୍କର ଏନସିପି ସହିତ କୌଣସି ସମ୍ପର୍କ ନାହିଁ । ସେମାନେ ବିଭିନ୍ନ କେନ୍ଦ୍ରୀୟ ତଦନ୍ତକାରୀ ଏଜେନ୍ସି ଭୟରେ ସେମାନେ ଦଳ ବଦଳାଇଛନ୍ତି ।
ଶରଦ ପାୱାର ଆହୁରି ମଧ୍ୟ କହିଛନ୍ତି ଯେ ତାଙ୍କ ଦଳ ବିଜେପି ସହ ହାତ ମିଳାଇବାର ପ୍ରଶ୍ନ ଉଠୁନାହିଁ।
