ନରୱେ ଲେଖକ ଜନ୍ ଫୋସେଙ୍କୁ ଏବର୍ଷ ସାହିତ୍ୟରେ ସମ୍ମାନ ଜନକ ନୋବେଲ ପୁରସ୍କାର ପ୍ରଦାନ ନିମନ୍ତେ ଘୋଷଣା କରାଯାଇଛି। ତାଙ୍କର ଲେଖା ମାଧ୍ୟମରେ ସେ ଅକୁହା ଭାବନାକୁ ରୂପ ଦେଇଥାନ୍ତି। ତାଙ୍କର ଅଭିନଵ ନାଟକ ଏବଂ ଗଦ୍ୟ ଲେଖା ପାଇଁ ତାଙ୍କୁ ଏ ପୁରସ୍କାର ମିଳିଛି ।
ଫୋସେଙ୍କ କୃତି ସମୂହ ଫୋସେ ମିନିମାଲିଜିମ୍ ନାମରେ ପରିଚିତ ହୋଇପାରିଛି । ତାଙ୍କର ପ୍ରମୁଖ କୃତି ଗୁଡିକ ମଧ୍ୟରେ ବୋଟ ହାଉସ, ମେଲାଙ୍କୋଲି ପ୍ରଥମ ଓ ଦ୍ଵିତୀୟ ଭାଗ ଅନ୍ୟତମ । ଫୋସେଙ୍କର ଲେଖାରେ ନରୱେର ପୃଷ୍ଠଭୂମି ଓ ଭାଷା ଖୁବ ସ୍ପଷ୍ଟ ଭାବେ ଚିତ୍ରିତ ବୋଲି ନୋବେଲ ସାହିତ୍ୟ କମିଟିର ଅଧ୍ୟକ୍ଷ ମତ ଦେଇଛନ୍ତି ।
ସେ ନରୱେର ଜଣେ ପ୍ରମୁଖ ଲେଖକ ଯାହାଙ୍କ କୃତି ଆଧାରରେ ଅନେକ ନାଟକ ପ୍ରଦର୍ଶିତ ହୋଇଛି । ଏତଦଭିନ୍ନ ସେ 40ରୁ ଅଧିକ ପ୍ରବନ୍ଧ, ଉପନ୍ୟାସ, କ୍ଷୁଦ୍ର ଗଳ୍ପ,ଶିଶୁ ପୁସ୍ତକ ଓ କବିତା ଲେଖିବା ସହ ତାଙ୍କର କୃତି ସମୂହ ବିଶ୍ୱର ଚାଳିଶିରୁ ଉର୍ଦ୍ଧ୍ୱ ଭାଷାକୁ ଅନୁବାଦିତ ହୋଇଛି।
